AZ
RU
Tanı sən ölümü," ölüm" anidir
Ehtiyac insanı üzsüz eyləyər,
Əl açar kiməsə için tanımaz.
İnsanı şit edib duzsüz eyləyər,
Yalvaran birisi, qapı sanamaz.
*****
Ümidlə, gümanla gəzər qapılar,
Birinə yalvarar anam xəstədir.
Bəzəndə qapıda itlər mırıldar,
Digəri söyləyər, balam xəstədir.
*****
Kasıb var, çörəyi yavan çeynəyir,
Boğazı cırılar, udar loxmanı.
Bu varlı cənablar görən, bilməyir?
Bəs necə yeyirlər yağlı loxmanı?!..
*****
Bu nə dövrandı, nə zəmanədir?...
Acları toxlara möhtac eyləyir.
Yazıram ürəyim bax viranədir,
Niyə varlı insan, baxıb ölməyir?...
*****
İstər villan olsun, istər sarayın,
Torpağa gömülən əliboş gedər.
Çığırıb, bağırsan olsa harayın,
Kasıba düz baxan, könlü xoş gedər..
*****
Yığdığın var- dövlət nəyə gərəkdir,
Saxlaya bilməzsən dünya fanidir.
Etdiyin düz əməl süzən ələkdir,
Tanı sən ölümü, " ölüm" anidir...
Təranə Şəms
