AZ
RU
Bir insan paxılsa...
Paxıl var, dərdindən özü anlamaz,
Gözünə görünər bir mələk kimi.
İşləri çevirər, kimsə danlamaz,
Yolunu daraldar bir fələk kimi..
Söz deməz, söz yeyər, özündən böyük,
Qəlbini versəndə kini azalmaz.
Etdiyi əməllər vədinə dönük,
Sözünü qəribsər, heç saya salmaz.
Qazdığı quylar məzara dönər,
İzini, tozunu basdırmaq üçün.
Qəlbinin xisləti azara dönər,
Kül atıb gözünə azdırmaq üçün.
Bir insan paxılsa dərmanı olmaz,
Üz tutsa təbibibə sağalmaz qəti.
Bir quyu sususzsa su töksən dolmaz,
Quruyan bir bulaq çağlamaz qəti.
Paxılın qəlbində şeytan oturub,
Cismində ruhunu oynatmaq üçün.
Əlində hər zaman qaytan oturub,
Səni əyri kəsib, düz atmaq üçün...
Təranə Şəms.14.03.2018
