“Elbay Qasımzadə, Memarlar İttifaqının sədri memarlıq abidələrinin mühafizəsi ilə məşğul olmağa borclu olan şəxs tarixi binanın fasadını şəxsən “şikəst edir”!”.

Yenixeber.org: Bu sözləri memar Elçin Əliyev bildirib. O qeyd edib ki, Elbay Qasımzadə bir neçə ay əvvəl tarixi binanın, XIX əsrdə tikilmiş memarlıq abidəsinin fasadındakı üç iri daşı tamamilə kəsib, atasının barelyefinə mərmərdən əsas düzəltdi:

“1990-cı illərin sonlarında şəhərin baş memarı kimi (yadınızdadır, o vaxt şəhərin mərkəzində eybəcər hündürmərtəbəli binalar göbələk kimi tikilmişdi?) o, sovet dövründə AzPİ-nin keçmiş rektoru olmuş (yaşlı nəsil abituriyentlərin ora necə qəbul edildiyini yaxşı xatırlayır) atasının xatirə lövhəsinin vurulması üçün lobbiçilik edib ona nail oldu.

Təsəvvür edin: indi memarlıq abidələrinin mühafizəsi ilə məşğul olmağa borclu olan bir qurumun sədri tarixi binanın fasadını şəxsən “şikəst edir”!

Bəs Mədəni İrsin Qorunması, İnkişafı və Bərpası üzrə Dövlət Xidməti hara baxır? Nə üçün onun əməkdaşları abidənin eybəcər hala salınmasının bu dəhşətli faktını “görmədilər”? Çünki hamısı eyni “iplə bağlanıb”!
Biz isə müsbət dəyişikliklərə ümid edirik”.(tribunainfo)

Qarşı tərəfi dinləməyə hazırıq.

Nigar İxtiyarqızı