Hökumətin cari və zəruri dəstəyi olmazsa, “Azərenerji” ASC xarici öhdəliklərinin yerinə yetirilməsində ciddi problemlərlə üzləşə bilər. 

Yenixeber.org:  Bu barədə “Standard&Poor`s Global Ratings” (S&P) beynəlxalq reytinq agentliyinin yaydığı məlumatda deyilir.

Məlumatda deyilir ki, borc yükü və kapitalın dayanıqsız strukturu səbəbindən “Azərenerji” ASC ciddi təzyiqlə üzləşir.Bunları nəzərə alaraq agentlik dövlət şirkətinin şəxsi kreditləşmə qabiliyyətini “ccc+” səviyyəsində təsdiqləyib.

“Uzunmüddətli perspektivdə dövlətin “Azərenerji” ASC-yə verdiyi dəstəkdə qeyri-müəyyənlik mövcuddur. Düşünürük ki, dövlət xarici öhdəliklərin yerinə yetirilməsində şirkətə zəruri dəstək versə də, onun maliyyə nəticələrinin yaxşılaşması üçün konkret bir strategiya yoxdur. Bu səbəbdən “Azərenerji” ASC-nin reytinqi Azərbaycanın suveren reytinqindən daha aşağıdır. Bizim baza ssenarimizə əsasən, şirkət bu il əlavə borclanmaya getməyəcək, habelə aktivlərin və kapitalın strukturu dəyişməz qalacaq”, – deyə agentliyin açıqlamasında bildirilir.