AZ
RU
“Petkim”in baş direktoru tutuldu
“Petkim Petrokimya Holding A. Ş.” neft-kimya kompleksinin baş direktoru Saadettin Korkut saxlanılıb.
Xeberinfo.com: “Anadolu” agentliyinə istinadən xəbərə görə, eyni zamanda, S. Korkutun evində və iş yerlərində axtarış aparılıb. Həbsdən öncə holdinq rəhbəri tutduğu vəzifədən istefa verib.
Bundan başqa, holdinqin, o cümlədən onunla əlaqəsi olan digər müəssisələrin də rəhbərliyində təmsil olunan bir neçə şəxsin saxlanıldığı iddia olunur.
Ümumilikdə, 200-dən çox şəxs işdən uzaqlaşdırılıb. Onların arasında “SOCAR Turkey Energy” şirkətinin ictimaiyyətlə əlaqələr üzrə bölmənin rəhbəri Ömər Adsız, STAR zavodunun insan resursları üzrə direktoru Fuat Ulagay və onun “SOCAR Turkey Energy”dən olan həmkarı İlqar Mehmetoğlu, “SOCAR Turkey Energy”nin elmi tədqiqat üzrə direktoru Çetin Korkut da istefa verib. Bildirilir ki, onların işdən uzaqlaşdırılmasına səbəb FETÖ ilə əlaqələrinin olmasıdır.
