Bu gün Bakı Ağır Cinayətlər Məhkəməsində oğurluqda təqsirləndirilən Gəray İsmayılovun cinayət işi üzrə məhkəmə iclası davam etdirilib

Yenixeber.org: Hakim Mahmud Ağalarovun sədrliyi ilə keçirilən prosesdə hökm oxunub.

Məhkəmənin hökmü ilə G.İsmayılov cinayəti törədəndən sonra psixi xəstəliyə tutulub. Ona görə də onun barəsində məcburi müalicəyə göndərilməsi barədə qərar çıxarılıb. Onun xəstəliyi sağalana qədər hökmün elan edilməsi təxirə salınıb.

Qeyd edək ki, Daxili İşlər Nazirliyinin məlumatına görə, Nəsimi RPİ əməkdaşlarının həyata keçirdikləri əməliyyat-axtarış tədbirləri nəticəsində 2017-ci il noyabrın 9-da Bakı şəhər sakini Fərqanə Mehdiyevaya məxsus lombarddan 24 000 manat pul və 10 000 manat dəyərində qızıl əşyalar oğurlamaqda şübhəli bilinən qrupun digər üzvü, həmyerlisi Gəray İsmayılov tutulub.

Bildirək ki, quldurluqda təqsirləndirilən digər şəxslərin məhkəməsi Nəsimi Rayon Məhkəməsində davam edir.

O, Cinayət Məcəlləsinin 177.3.2-ci (oğurluq, külli miqdarda törədildikdə) maddəsi ilə ittiham edilir.