AZ
RU
Messi -Pelenin daha bir rekordunu qırdı
İspaniyanın "Barselona" klubunun ulduz futbolçusu Lionel Messi braziliyalı əfsanəvi hücumçu Pelenin rekordunu növbəti dəfə qırıb.
Yenixeber.org: Beynəlxalq Futbol Tarixi və Statistikaları Federasiyasının rəsmi saytı xəbər verir ki, 34 yaşlı forvard buna "Xetafe"ni 5:2 hesabı ilə məğlub etdikləri La Liqanın XXXI tur matçında nail olub.
Görüşdə dubla imza atan Messi La Liqada 469-cu qolunu vurub və bir çempionatda ən çox fərqlənən oyunçu olub. Bundan əvvəl Pele 1957 - 1974-cü illərdə Braziliya çempionatında "Santos"un heyətində 468 qola imza atıb.
Tarixdə hansısa futbolçu bir çempionatda Messi qədər fərqlənməyib.
Qeyd edək ki, Lionel Messi 2004-cü ildən "Barselona"nın əsas komandasında oynayır. O, daha əvvəl ümumi qol sayında da Pelenin rekordunu geridə qoyub.
