AZ
RU
Bu gün Avropa çempionatında son yarımfinalçılar məlum olacaq
Bakıda keçirilən 17 yaşadək futbolçulardan ibarət yığma komandalar arasında Avropa çempionatında son 1/4 final oyunları bu gün keçiriləcək.
Xeberinfo.com: “Report” xəbər verir ki, qalan 2 yarımfinalçının adı İspaniya - İngiltərə və İsveç - Hollandiya matçlarında müəyyənləşəcək. Hər 2 görüş "Bakcell Arena"da olacaq.
Əvvəlcə meydana “D” qrupunun qalibi İspaniya ilə “C” qrupunun ikincisi İngiltərə çıxacaq. Matçı Skandinaviya təmsilçisi Sveyn-Erik Edvartsen idarə edəcək. Elə digər matç da skandinaviyalı FİFA referisinə - finlandiyalı Ville Nevalaynenə həvalə olunub. O, “C” qrupunun lideri İsveçlə “D” qrupunda 2-ci yeri tutan Hollandiya arasında oyunun baş hakimi olacaq.
Xatırladaq ki, ilk yarımfinalçılar Portuqaliya və Almaniya yığmaları olub. Portuqaliya İsveç-Hollandiya, Almaniya İspaniya-İngiıtərə cütünün qalibini gözləyir.
15 May
16:00. İspaniya - İngiltərə
Baş hakim: Sveyn-Erik Edvartsen (Norveç)
"Bakcell Arena" stadionu
20:00. İsveç - Hollandiya
Baş hakim: Ville Nevalaynen
