Təhsil Nazirliyi ali məktəblərin ödənişli fakültələrində təhsil alan tələbələrinə də təqaüd verməyi müzakirə edir.

Əsas kriteriya kimi imtahan qiymətlərinin nəticələri götürüləcək, bu isə tələbələr arasında rəqabət atmosferini gecləndirəcək.

"Xeberinfo.com":   Məlumata görə, bu fikirləri Milli Məclisin (MM) deputatı Aydın Mirzəzadə dilə gətirib.

“İdeyanı bəyənirəm və yeniliyi çox mütərəqqi bir addım hesab edirəm. Ali məktəbdə dərs deyən bir insan kimi bu metodun təhsilin səviyyəsini artıracağını düşünürəm”-deyən, A. Mirzəzadənin sözlərinə görə, təqaüdün imtahan nəticəsinə görə deyil, bir dəfə qəbulun nəticəsinə görə verilməsi tələbələrdə təhsilə marağı artırmağa xidmət etmirdi.

O deyib ki, yeni təklif isə tamam yeni bir atmosfer yaradacaq:

“Eyni zamanda, gələcəkdə əla təhsilə görə ödənişli təhsil formasında təhsil alan tələbələrin təhsil haqqından azad edilməsi məsələsini də müzakirə edilməsini təklif edirəm.

Həmçinin, bankların təhsil kreditləri mexanizminin də işləməsini vacib hesab edirəm”.

Gün.az