Qlobal bazarların maraqla gözlədiyi ABŞ-da qeyri kənd təsərrüfatı məşğulluq göstəricisi açıqlandı.

Xeberinfo.com:   ABŞ Əmək Nazirliyinin açıqladığı məlumata istinadən xəbərə görə, Avqustda məşğulluq 151 min artıb. İqtisadçılar məşğulluğun 180 min artacağını gözləyirdilər.

ABŞ-da Avqustda işsizlik nisbəti isə 4,9%-də qalıb. İqtisadçılar işsizliyin 4,8%-ə düşəcəyini gözləyirdilər.
İyul ayı məşğulluq göstəricisi isə 255 mindən 275 minə yuxarı istiqamətdə dəyişdirilib.
Fed-in yaxından izlədiyi orta saatlıq maaşlar 0.1% artım ilə gözlətidən aşağı qalıb. Gözlənti 0.2% artım idi.
Qeyri kənd təsərrüfatı məşğulluq göstəricisi Fedin faiz qərarı baxımından da əhəmiyyət kəsb edir.

Göstəricilərin proqnozdan aşağı çıxması Fed-in Sentyabrda faizləri artıracağı ehtimalını zəiflədir. Fed faiz artırarsa dollar daha da güclənəcək, neft isə ucuzlaşacaqdır.

Məlumatın açıqlanmasının ardınca qlobal birjalarda Dollar ucuzlaşmağa başlayıb. Avro/dollar məzənnəsi 0,3% qalxaraq 1.1231 səviyyəsinə çıxıb.