AZ
RU
Ucarda güclü külək fəsadlar törədib - FOTO
Ucarda güclü külək fəsadlar törədib.
Yenixeber.org: Bu gün günorta saatlarından etibarən əsməyə başlayan güclü külək rayonun Heydər Əliyev prospektində, Elnur Hacıyev və Azərbaycan küçəsində bir neçə şam ağacını aşırıb. H. Əliyev prospektində aşan irigövdəli ağac avtomobil yolunun hərəkət hissəsini tamamilə kəsib. Aidiyyəti qurumlar tərəfindən ağac ərazidən götürülüb, yol açılıb. Bundan əlavə, 3 saata yaxın davam edən güclü külək nəticəsində elektrik təsərrüfatına da ziyan dəyib. Yerli idarədən verilən məlumata görə, bir neçə ərazidə ağacların naqillərin üzərinə aşması nəticəsində qırılmalar baş verib. Hazırda ərazidə təmir-bərpa işləri aparılır. Qeyd edək ki, hazırda rayonun bir çox yaşayış ərazisində elektrik təchizatı müvəqqəti dayandırılıb.
