"Xeberinfo.com":  Hakim partiyanın üzvü, sabiq baş prokuror Əli Ömərovun sözlərinə görə, Avropa Oyunlarının Bakıda keçirilməsi ölkəmiz üçün olduqca dəyərli hadisədir: “Azərbaycan haqda yanlış rəyə malik olan ölkələr var. Lakin bu oyunlar mənfi rəyi kökündən dəyişdirəcək. Qonaqlar Azərbaycan xalqının qonaqpərvərliyini, ölkəmizin inkişafını, gözəl Bakımızı görəcək, öz vətənlərində bunları təbliğ edəcəklər”.

Sabiq baş prokuror ən azı 60 ölkədə Azərbaycan haqda eyni vaxtda təbliğat xarakterli materialların yayılmasını tanınmaq baxımından əhəmiyyətli məqam olduğunu bildirib.
 

“Bu oyunların əhəmiyyəti olduqca böyükdür. Bu gün Avropa Oyunlarının əhəmiyyətsiz olduğunu, ölkəyə ziyan vuracağını deyənlər var. Hesab edirəm ki, onların marağı bu xalqın marağı ilə üst-üstə düşmür. Onlar erməni lobbisinə, erməni siyasətinə xidmət edənlərdir. Ölkəmizə gələn qonaqlar xalqımızın nə qədər mədəni, intellektual olduğunu əyani şəkildə görəcək və yanlış rəylərin üzərindən xətt çəkiləcək”, - deyə Ə. Ömərov vurğulayıb.

Publika.az