AZ
RU
Müşavir partiya ilə əlaqələrini kəsdi
2012-ci ilin noyabrında Vətəndaş və İnkişaf Partiyası (VİP) üzvlüyünə rəsmən qəbul edilən və partiyanın sədri Əli Əliyevin Bakı kəndləri üzrə müşaviri təyin olunan Xoşqədəm Cəbrayıloğlu VİP-lə əlaqələrini kəsib.
"xeberinfo.com": VİP sədri Əli Əliyevin müşaviri artıq uzun müddətdir partiyanın qərargahına gedib gəlmir. Lakin bunun Xoşqədəm Cəbrayıloğlunun VİP- rəhbərliyi ilə münasibətlərdə hər hansı problemi yox, səhhəti ilə baglı olduğu bildirilir.
Müşavir özü də VİP-in qərargahına gedib-gəlməməsi barədə xəbərləri təsdiqləyib: "Artıq yaşlaşmışam, uzun müddətdir partiyaya da gedib-gələ bilmirəm. Evdəyəm, yazı-pozuyla məşğulam".
Qeyd edək ki, Xoşqədəm Cəbrayıloglu yazıçı Elçin Əfəndiyevin ssenarisi ilə çəkilən "Arxadan vurulan zərbə" filminin prototipi Qurd Cəbrayılın oğlu və “Azəri” İctimai Birliyinin sədridir.
