AZ
RU
"VİP xidmətlərdən istifadə edən zəvvarlar daha tez qayıdacaq"
Azərbaycanlı zəvvarların Həcc ziyarətinə səfərində bu il ilk dəfə olaraq VİP zəvvarlar onlar üçün ayrıca təşkil olunmuş təyyarə ilə uçurlar.
"Xeberinfo.com": QMİ-dən APA-ya verilən məlumata görə, sentyabrın 29-u zəvvarların geri qayıdışına start da VİP zəvvarların ayrıca reysi ilə başlayacaq.
Daha sonra nisbətən ucuz Həcc səfərini seçən zəvvarları daşıyacaq təyyarələr uçacaq. Sentyabrın 11-də zəvvarların Həccə səfəri başlayan zaman ilk uçuş da VİP zəvvarlara aid olub.
QMİ-dən onu da bildiriblər ki, artıq Həccdə azərbaycanlı zəvvarlar Ümrə əməllərini bitirblər və sentyabrın 22-dən etibarən Ərəfat dağına qalxmağa başlayacaqlar.
Zəvvarlar ziyarət zamanı heç bir problemlə üzləşməyib.
Qeyd edək ki, azərbaycanlı zəvvarların Həcc səfərləri sentyabrın 11-dən başlayıb və 15-də başa çatıb.
Bu il Azərbaycana 2400 zəvvar yeri ayrılıb və bütün yerlər dolub.
