AZ
RU
İranla bağlı qərar bu ayın sonuna kimi veriləcək -PROQNOZ
Ukrayna prezidenti Volodimir Zelenski bildirib ki, 2023-cü ilin ilk iki günü ərzində Ukrayna səmasında vurulan İran pilotsuz təyyarələrinin sayı artıq 80-ni keçib. Ancaq buna baxmayaraq Rusiya İran istehsalı olan “Şahed-136” kamikadze dronlarından istifadə etməklə Ukraynanın mülki obyektlərinə qarşı terror hücumunu davam etdirməyi planlaşdırır.
Yenixeber.org: Bu haqda politoloq Xaqani Cəfərli FB səhifəsində yazıb:
Terrorçu teokratik rejim isə bütün dünyanı aldatmağa çalışır ki, İran Rusiyaya yardım etmir. İsrail isə İranın bütün dünyanı aldatmaq cəhdini bir dəfə artıq ifşa edib. İranın Rusiyaya yardım etiyini sübut edən əlavə məlumatların toplanması üzərində iş gedir. Mosad-ın rəhbəri David Barnea bir neçə gün öncə bəyan etmişdi ki, İran Rusiyaya qabaqcıl silahların göndərilməsini genişləndirməyə hazırlaşır. Ancaq Tehran bu fəaliyyətini tam məxfilik şəraitində həyata keçirməyə çalışır.
İranın Rusiyaya hərbi dəstək verdiyini təsdiq edən sübutların bu ayın sonuna kimi BMT Baş Assambleyasının müzakirəsinə çıxarılacağı gözlənilir. Həmin müzakirənin nəticəsi olaraq isə İranın hərbi-sənaye kompleksinin məhv edilməsi ilə bağlı qərar veriləcək.
