Korrupsiyaya qarşı Mübarizə Baş İdarəsi Baş Prokurorluqdan alınaraq, İqtisadi Kəşfiyyat İdarəsinin strukturuna daxil ediləcək

Xeberinfo.com:  “MTN işi” ilə bağlı daha bir məlumat almışıq. Məlumatda MTN-nin səlahiyyətinin azaldılmasından bəhs olunur. Müəyyən struktur dəyişikliyinin aparılacağı və MTN-nin bazasından ayrılmaqla iki müstəqil idarənin yaradılacağı gözlənilir. Məlumatlı şəxsin xeberinfo.com-a verdiyi məlumata görə yeni yaradılacaq strukturun biri Azərbaycan Respublikası Prezidentinin Yanında Xüsusi İdarə, digəri isə Azərbaycan Respublikası Prezidentinin Yanında İqtisadi Kəşfiyyat İdarəsi adlanacaq.

Birincini məşhur Xüsusi İdarənin fəaliyyətini bərpa etməsi kimi də qəbul etmək olar. Görünür Xüsusi İdarənin MTN-nin tabeliyinə verilməsi özünü doğrultmayıb...

İkinci- Azərbaycan Respublikası Prezidentinin Yanında İqtisadi Kəşfiyyat İdarəsi, MTN-nin bazasından ayrılmalarla, Baş prokuror yanında Korrupsiyaya qarşı Mübarizə Baş İdarəsini də özündə birləşdirəcək.

Bu gözləntinin hansı səbəbdən qaynaqlandığı və hansı məqsədlərə hesablandığı haqqında qarşıdakı günlərdə yazacağıq.

Xalid