Səudiyyə Ərəbistanının vəliəhd şahzadəsi Məhəmməd bin Salman Əl Səud şənbə günü ABŞ Prezidenti Donald Trampla telefon danışığı aparıb.

Yenixeberorg.com: Söhbət zamanı şahzadə ABŞ-ın İrana yeni, güclü zərbələr endirmək planlarından narahatlığını bildirib və Trampdan eskalasiyadan çəkinməsini istəyib.
Məlumata görə, vəliəhd "prezident Trampla danışıb və İrana yeni, genişmiqyaslı zərbələr endirmək planları ilə bağlı narahatlıqlarını bildirib". ABŞ rəsmilərindən biri əlavə edib ki, Səudiyyə Ərəbistanı "narahatlıqlarını bildirib və planla bağlı aydınlıq gətirilməsini istəyib". Başqa bir mənbə bildirib ki, şahzadə "Trampı gərginliyin azaldılmasını təmin etməyə və zərbələrdən çəkinməyə çağırıb".

Portala görə, Qətər vasitəçiləri şənbə günü İran xarici işlər naziri Abbas Araqçi, ABŞ prezidentinin elçisi Stiv Vitkoff və Oman nümayəndələri ilə "ayrıca məsləhətləşmələr" aparıblar.
Qətər tərəfi Hörmüz boğazında normal gəmiçiliyin bərpası ilə bağlı razılığa gəlməyə ümid edir. Nəşr bu məsləhətləşmələr zamanı "irəliləyiş əldə edildiyini", lakin heç bir təfərrüat verilmədiyini bildirir.(Axios)