AZ
RU
Soma üçün SOS siqnalı verən deputata qarşı ittiham
"xeberinfo.com": Şəkildə və videoda görünən bu şəxs CHP-nin millət vəkili Özgür Özəldir. Ötən ilin oktyabr ayından ta Somada mədən qəzası baş verən günə qədər bu adam həyəcan təbili çalıb, "Somada qəza olacaq", "mədən şirkəti cəzalandırılmalıdır" deyib, əlində şaxtaçı dəbilqəsi götürərək TBMM-də çıxış edib, parlamentə müvafiq qanun layihəsi təqdim edib.
Bir sözlə, məhz bu adam əlindən gələni edib ki, Somada mədən faciəsi baş verməsin. Fəqət onu eşitməyiblər, sözünə qulaq asmayıblar, təkliflərini heç sayıblar.
Dünən baş nazir Ərdoğan Manisada telekanallar önündə danışarkən bildirdi ki, Özgür Özəlin çıxışında Soma ifadəsi işlədilməyib. Baş nazir onu da bildirib ki, CHP-li deputat bu çıxışı ilə sadəcə gündəmi dəyişdirmək istəyib.
Buyurun, baxın. O deputatın dediyi oldu: Türkiyədə gündəm dəyişdi.
