“Rusiya Xarici İşlər Nazirliyi bloger Aleksandr Lapşinin məsələsində ikili standartlara yol verir”.

Xeberinfo.com:  Bunu mətbuat konfransında rusiyalı politoloq, tarixçi Oleq Kuznetsov deyib.

“Rusiya XİN ona görə ikili standartlara yol verir ki, onlar Rusiya Federasiyasının vətəndaşı olan Dilqəm Əsgərovun ermənilər tərəfdən saxlanılması məsələsini qaldırmır. Belarus Ədliyyə Nazirliyi isə borcunu vicdanla yerinə yetirərək Rusiya XİN-ə ölkə vətəndaşlarını qorumaqla bağlı konstitusion vəzifəsini xatırladıb. Lapşinin məsələsinə baxılarkən həm də Dilqəm Əsgərovun məsələsinə baxmaq lazımdır” – O.Kuznetsov bildirib.
Politoloq blogerin Ermənistan tərəfdən Azərbaycana qarşı ideoloji təbliğat apardığını, ermənilərin təlimatı üzrə Azərbaycanı lağa qoyduğunu vurğulayıb.
Bununla yanaşı, politoloq bu məsələni siyasiləşdirmək və Rusiya ilə Azərbaycan arasındakı münasibətləri korlamaq cəhdini də qeyd edib: “O, işğal olunmuş ərazilərə səfər etdiyi üçün adı “qara siyahı”da olan və cəza çəkəcək ilk əcnəbi olacaq”.