AZ
RU
“Türkiyənin Naxçıvanda hərbi baza yerləşdirməsi istisna deyil”
“Türkiyənin üzərinə NATO çərçivəsində Azərbaycan və Gürcüstanın hərbi baza və müdafiə sisteminin gücləndirilməsində böyük rol düşür”
"Xeberinfo.com": Bunu Axar.az-a açıqlamasında politoloq, hüquqşünas Fərhad Mehdiyev bu gün Azərbaycan, Türkiyə və Gürcüstanın müdafiə nazirlərinin Naxçıvanda keçiriləcək görüşünü şərh edərkən deyib:
“Bu gün Naxçıvanda hər üç ölkənin müdafiə nazirlərinin baş tutacaq görüşünün mahiyyəti Azərbaycanın Rusiyanın regional təhdidlərinə qarşı mühüm hərbi tədbirlər görmək istəyilə bağlıdır”.
Fərhad Mehdiyev Türkiyənin Naxçıvanda hərbi baza yerləşdirmək məsələsinin mümkünlüyünü istisna etməyib:
“Hesab edirəm ki, ölkə nazirləri bu gün Naxçıvanın təhlükəsizlik məsələsində ortaq nöqtəyə gələcəklər. Çünki dost ölkələr çox gözəl başa düşürlər ki, Rusiyanın Azərbaycana etdiyi və bundan sonra edəcəyi regional təhdidlər bütün Qafqaz üçün təhlükə mənbəyidir”.
Xatırladaq ki, bu gün Naxçıvanda Azərbaycan, Türkiyə və Gürcüstanın müdafiə nazirləri görüşür.
