AZ
RU
Ərdoğan - Suriyadakı vəziyyəti Putinlə müzakirə etmək niyyətindədir
Türkiyə prezidenti Rəcəb Tayyib Ərdoğan Suriyadakı vəziyyəti Rusiya lideri Vladimir Putinlə müzakirə etmək niyyətində olduğunu açıqlayıb.
Yenixeber.org: Bunu Türkiyə prezidenti Ankarada keçirdiyi mətbuat konfransında bildirib.
"Dünən axşam ABŞ prezidenti Donald Tramp ilə danışıqlar apardım. Bundan sonra Suriyadakı vəziyyəti qiymətləndirmək üçün Vladimir Putinlə də danışıqlar aparacağam", - deyə o qeyd edib.
Türkiyə prezidenti vurğulayıb ki, Ankara əldə olunan razılaşmalara əsasən, öhdəliklərin üzərinə düşən hissəsini sonuna qədər yerinə yetirəcək: "Biz memorandumdan geri çəkilmirik".
Öz növbəsində, Rusiya dövlət başçısının köməkçisi Yuri Uşakov Türkiyə tərəfinin V.Putin ilə telefon danışığı aparmaq istəyini təsdiqləyib: "Hazırda onların təklifi əsasında uyğun vaxtı müəyyənləşdiririk və cavabımızı qarşı tərəfə bildirəcəyik".
.jpg)
