AZ
RU
“Əsas vəzifələrimizdən biri Qarabağ probleminin həlli olacaq”
ABŞ-ın Ermənistandakı səfirliyinin gündəliyində ən başlıca mövzulardan biri – regionda sülh olacaq.
"Xeberinfo.com": Musavat.com erməni qaynağına istinadən xəbər verir ki, bu barədə Birləşmiş Ştatların qonşu ölkəyə yeni təyin olunmuş səfiri Riçard Millz Vaşinqtonda rəsmi andiçmə mərasimində bəyan edib.
Onun sözlərinə görə, son il ərzində təmas xəttində zorakılığın və qurbanların sayının artması böyük narahatlıq doğurur və heç bir ölkənin marağında deyil.
“Birləşmiş Ştatlar Minsk Qrupu çərçivəsində razılaşdırılmış sülh sazişinə nail olmaq üçün tərəflərə kömək göstərilməsi mövqeyinə sadiqdir. İrəvanda mənim prioritetim amerikalı həmsədr Ceyms Uorliklə səyləri koordinasiya eləmək olacaq ki, bilsin – səfirlik bu konfliktin dinc nizamlanmasına və təmas xəttində zorakılığı azalmasına hansı dəstəyi verə bilər” – deyib diplomat.
