Rusiya Cənub-Şərqi Hərbi Dairəsinin Ermənistanda yerləşdirilən Erebuni Aviasiya Hərbi Bazasının pilotları qış təlim dövrünə nəzarət yoxlamasının bir hissəsi olaraq Alagöz təlim poliqonunda şərti düşmən hədəflərinə bir gecə hava hücumu təşkil edib.

Yenixeber.org: Erməni mediası xəbər verir ki, Mi-24P və Mi-8MTV helikopterlərinin ekipajları aviasiya raketlərini işə salıb və 3 min metrədək aralıdakı müxtəlif növ hədəflərə hava silahından atəş açıblar.

Helikopterlər hədəflərin koordinatlarını aldıqdan sonra, gecə görmə cihazlarından istifadə edərək artilleriya batareyasını, şərti düşmən tanklarının sütununu təqlid edən hədəfləri məhv ediblər.

Aprelin 6-dan 12-dək davam edən qış təliminə rusların 20-yə yaxın helikopteri cəlb olunub.

Qeyd edək ki, dünən Naxçıvan Qarnizonu Qoşunlarının artilleriya bölmələri 2020-ci tədris ilinə uzlaşma planına əsasən gecə şəraitində döyüş atışlı taktiki təlim keçirib.

Ermənistanda yerləşən Rusiya bazasının helikopterlərinin havaya qalxması isə Naxçıvan tərəfdə eşidilən gecə atışlarına bir cavab ola bilər.(konkret)

Babək Göyüş