Abşeron rayonu ərazində , Bakı-Şamaxı yolunun üzəridə (Hökməliyə gedən yol)un kənarında yerləşən meşə zolağının bir hissəsi hasarlanıb.

Yenixeber.org: Ərazidən yayılan videogörüntülərdə görünür ki, sözügedən sahədə tikinti işlərinə hazırlıq aparılır. Ərazi “Azerpak” MMC məxsus olduğu bildirilir.

XALQ xəbər verir ki, hasarlanan ərazinin kifayət qədər böyük olması və yaşıllıq zolağını əhatə etməsi ciddi suallar doğurur. Görüntülərdən aydın olur ki, hasara alınan sahədə ağaclar mövcuddur və ərazi əvvəllər açıq meşə zolağı kimi istifadə olunub.

Hazırda həmin ərazidə hansı obyektin tikiləcəyi, torpağın təyinatının dəyişdirilib-dəyişdirilmədiyi və tikinti üçün rəsmi icazənin olub-olmadığı barədə ictimaiyyətə hər hansı açıqlama verilməyib.

Məsələ ilə bağlı həm Abşeron Rayon İcra Hakimiyyətindən, həm də Azərbaycan Respublikasının Dövlət Şəhərsalma və Arxitektura Komitəsi münasibət öyrənmək mümkün olmadı.

Ekologiya və Təbii Sərvətlər Nazirliyinə sorğu verilib.

Aidiyyatı qurumların fikirlərini dərc etməyə hazırıq.