AZ
RU
Bakının iki böyük prospektinin kəsişməsində hərəkət məhdudlaşdırılır
Fevralın 5-dən 6-na keçən gecə Ziya Bünyadov prospekti ilə Azadlıq prospektinin kəsişməsində yerləşən dairə (keçmiş Karl Marks dairəsi) aparılacaq təmir-tikinti işləri ilə əlaqədar olaraq bağlanacaq
Yenixeber.org: Bu barədə “Azərbaycan Avtomobil Yolları” Dövlət Agentliyinin İctimaiyyətlə əlaqələr şöbəsindən bildirilib.
Avtonəqliyyat vasitələrinin hərəkəti müvafiq olaraq Atatürk prospekti (Ayna Sultanova) və Əli Mustafayev küçəsi (Xutor dairəsi) istiqamətinə yönəldiləcək.
Təmir-tikinti işləri sözügedən hissədə avtonəqliyyat vasitələrinin sıxlığını azaltmaq məqsədi ilə aparılacaq və qısa müddət ərzində yekunlaşdırılması planlaşdırılır. Bu üzdən sürücülərdən diqqətli olmaları və öncədən hərəkət istiqamətlərinə uyğun alternativ yollardan istifadə etmələri tövsiyə olunur.
