İlk beşlikdə olanlardan yalnız Anna Kuznetsova Dövlət Dumasına gedib

Yenixeber.org: Rusiyanın xarici işlər naziri Sergey Lavrov və müdafiə naziri, ordu generalı Sergey Şoyqu deputat mandatından imtina ediblər.

Bu barədə Rusiya Mərkəzi Seçki Komissiyasının (MSK) qərar layihəsində qeyd olunub.

Bildirilib ki, sentyabrın 19-da VIII çağırış Rusiya Dövlət Dumasına keçirilən seçkilərdə hakim “Vahid Rusiya” partiyasının siyahısında ilk beşlikdə yer alan S. Lavrov və S. Şoyqu deputat mandatını qəbul etməyiblər.

“Vahid Rusiya” Partiyasının siyahısına liderlik edən Kommunarkadakı xəstəxananın baş həkimi Denis Protsenko və “İstedad və uğur” fondunun rəhbəri Yelena Şmelova da deputat mandatından imtina ediblər.

İlk beşlikdə olanlardan yalnız uşaq ombudsmanı Anna Kuznetsova Dövlət Dumasına gedib.