AZ
RU
Opera və Balet Teatrında əsaslı təmir-bərpa işlərinə başlanılıb
Opera və Balet Teatrında əsaslı təmir və bərpa işləri başlayıb.
Yenixeber.org: Bu barədə mədəniyyət ocağının mətbuat xidmətinin rəhbəri Şükufə Ağamirzəyeva məlumat verib.
Onun sözlərinə görə, təmir işləri üçün dövlət tərəfindən xarici mütəxəssislər dəvət edilib.
Ş.Ağamirzəyeva xatırladıb ki, teatrda ən son təmir işləri 1987-1988-ci illərdə aparılıb: "Yəni 30 ildən artıqdır ki, bina təmir edilməmişdi. Hazırda binanın fasadı təmir olunur, zalda isə hələ işlərə başlanılmayıb. Teatrda həm məşqlər, həm də tamaşalar davam edir".
"Mövsümün sonunda, təxminən iyun ayının əvvəllərində tamaşalarımızı başa çatdırıb, mövsümü bağlayıb, zalı təmir üçün inşaatçılara təhvil verəcəyik. Təmirin nə zaman bitəcəyini deyə bilmərik. Adminstrativ binada təmir işləri artıq yekunlaşmaq üzrədir. Əgər mövsümün əvvəlində, sentyabrda təmir işləri yekunlaşmazsa, yəqin ki bizə başqa yerdə tamaşa zalı ayırılar", - o əlavə edib.
