AZ
RU
Bu gündən sabit şəbəkə telefonlarından istifadənin qiyməti qalxdı
Bu gündən sabit şəbəkə telefonlarından istifadəyə görə aylıq abunə haqqı əhali üçün 2,5 manatdan 3,5 manata (ƏDV daxil olmaqla) qaldırılır.
Yenixeber.org: Bu barədə Tarif (qiymət) Şurasının 26 oktyabr 2022-ci il tarixində keçirdiyi iclasda qərar qəbul olunub.
Qurumun yaydığı məlumatda Rəqəmsal İnkişaf və Nəqliyyat Nazirliyinin sabit şəbəkə telefonlarından istifadəyə görə aylıq abunə haqqının və şəhərlərarası telefon rabitəsi xidmətlərinin tariflərinin tənzimlənməsi ilə bağlı Şuraya müraciət etdiyi bildirilmişdi.
Qeyd edək ki, şəhərlərarası telefon danışıqları üzrə tarif isə 5 qəpikdən 3 qəpiyə endirilib.
Hər iki qərarın 1 noyabr 2022-ci il tarixindən qüvvəyə minəcəyi açıqlanıb.
