AZ
RU
Xorvatiya hökuməti Qolodomoru Ukrayna xalqının soyqırımı kimi tanıdı
Xorvatiya hökuməti iyunun 15-də ölkə parlamentinin Qolodomorun Ukrayna xalqının soyqırımı kimi tanınması təşəbbüsünü dəstəkləyib.
Yenixeber.org: Bu barədə Xorvatiyanın Baş naziri Andrey Plenkov məlumat verib.
Xorvatiya Xarici İşlər Nazirliyinin dövlət katibi Zdenko Luçiç bildirib ki, təklif olunan bəyannamə ilə Xorvatiya parlamenti Qolodomoru 1932-1933-cü illərdə Ukraynada kommunist Stalinist rejimi tərəfindən qəsdən təşkil edilmiş məcburi aclıq kimi təsnif edir. Luçiç əlavə edib ki, bu, Ukrayna xalqına qarşı soyqırımı cinayətidir.
Xatırladaq ki, dünyanın 20-dən çox ölkəsi (Böyük Britaniya, Sloveniya, Belçika, İrlandiya, Rumıniya, Moldova, Çexiya, Almaniya, İslandiya, Fransa, Bolqarıstan və s.) Qolodomoru Ukrayna xalqının soyqırımı kimi tanıyıb.
