AZ
RU
Bu həftə Brüsseldə növbəti iclas olacaq
İyulun 6-sı Brüsseldə İsveç və Finlandiyanın NATO-ya üzvlüyü ilə bağlı Üçtərəfli Mexanizmin Daimi Komitə iclasının növbəti görüşü keçiriləcək.
Yenixeber.org: Bu barədə Türkiyə xarici içlər naziri Hakan Fidan İordaniya xarici işlər naziri Ayman Safadi ilə Ankarada birgə mətbuat konfransı zamanı bildirib.
O qeyd edib ki, Ankara bu prosesin prinsiplər əsasında davam edilməsinin tərəfdarıdır.
XİN rəhbəri həmçinin, Türkiyənin Qurban bayramının ilk günündə İsveçdə Qurani-Kərimin yandırılmasını sərt şəkildə qınadığını deyib.
“İsveçin NATO-ya üzvlüyünün müzakirə olunduğu bir vaxtda bu ölkənin təhlükəsizlik strukturlarının təxribatın qarşısını almaması bizi təhlükəsizlik baxımından düşündürür. Bu məsələlərdən sonra İsveçin NATO-ya güc qatacağı və ya yük olacağı sualı yaranır. Terrorla mübarizə məsələsində İsveç bir sıra qərar qəbul edib və biz bunun həyata keçirilməsini görə bilərik”, - Hakan Fidan vurğulayıb.
