AZ
RU
Türkiyə və Yunanıstan arasında əldə olunan razılaşmalar açıqlanıb
Türkiyə Prezidenti Rəcəb Tayyib Ərdoğan və Yunanıstanın Baş naziri Kiriakos Miçotakis iki ölkə arasında münasibətlərin normallaşdırılması istiqamətində addımların atılmasına dair razılığa gəliblər.
Yenixeber.org: Bu barədə Türkiyə Prezidenti Administrasiyasının Kommunikasiya İdarəsi məlumat yayıb.
R.T.Ərdoğan və K.Miçotakis formalaşmış müsbət atmosferin hər iki ölkənin xeyrinə olduğunu vurğulayıblar.
Dövlət başçıları iki ölkə arasında rabitə kanallarının fəallaşdırılması barədə razılığa gəliblər. Yüksək Səviyyəli Əməkdaşlıq Şurasının növbəti iclasının payızda Salonikidə keçirilməsi razılaşdırılıb. Proseslərə rəhbərlik etməklə bağlı xarici işlər nazirlərinə müvafiq tapşırıq verilib.
Həmçinin, liderlər qarşılıqlı təmasların intensivləşməsi haqqında ortaq məxrəcə gəliblər.
Qeyd edək ki, R.T.Ərdoğan və K.Miçotakis bu gün NATO-nun Vilnüsdə keçirilən sammiti ərəfəsində bir araya gəliblər.
