Azərbaycan Müdafiə Nazirliyi “Odundağ” yüksəkliyinin ordumuzun nəzarətinə keçməsi xəbərini təsdiqləyib.

Xeberinfo.com:   Müdafiə Nazirliyinin mətbuat xidmətinə istinadən xəbərə görə , bəzi elektron kütləvi informasiya vasitələrində Ermənistandakı mənbələrə istinadən Azərbaycanın Qazax rayonu ilə Ermənistanın Noyemberyan yaşayış məntəqəsi arasındakı ərazidə yerləşən “Odundağ” yüksəkliyinin Azərbaycan ordusunun nəzarətinə keçməsi və ətraf erməni ərazilərinin asanlıqla müşahidə edilməsi barədə məlumat yayılıb: “Faktı təsdiq edərək bildiririk ki, həqiqətən həmin yüksəklik əlverişli və əhəmiyyətli olduğu üçün bölmələrimiz tərəfindən nəzarətə götürülüb, taktiki və mühəndis-istehkam baxımından gücləndirilib”.

*   *   *18:39

Azərbaycan Silahlı Qüvvələri “Odundağ” adı verilən yüksəklikyin sol tərəfində torpaq işləri görürlər.

 Bu barədə erməni KİV-ləri qonşuluqdakı sərhəd Noyemberyan rayonunun sakinlərinə istinadən məlumat yayıblar.

Məlumata görə, həmin yüksəklik strateji əhəmiyyət daşıyır və Azərbaycan əsgərləri orada atəş nöqtəsi qurublar.

Məlumatda o da bildirilir ki, oradan bütün Baqanis kəndi (Azərbaycanın Qazax rayonu ilə həmsərhəd) və ətraf ərazilər aydın görünür.

Erməni jurnalistlər həmin yüksəkliyin fotolarını da çəkiblər. Onları da təqdim edirik.