AZ
RU
Türkiyə Akyaka-Gümrü dəmir yolu sahəsinin yenidən qurulmasına başlayıb
Hazırda Akyaka-Gümrü dəmir yolu infrastrukturunun bərpası üzrə tikinti işləri aparılır və bu işlər 2-3 ay ərzində başa çatdırılacaq.
Yenixeberorg.com xəbər verir ki, bu barədə "Armenpress"ə Akyaka meri Erdüger Toptaş bildirib.
Onun sözlərinə görə, infrastrukturun bərpası işləri aparılır və tikinti ilə bağlı açıq tenderlər elan edilib. Başlanan tikinti işləri Ermənistan-Türkiyə sərhədinin açılmasına hazırlıqdır. Akyakadan Gümrüyə qədər torpaq yolun tikintisi üçün artıq tender elan edilib.
"Akyakadan Gümrüyə qədər yolun tikintisi üçün tender artıq elan edilib və biz işlərin orada da başlayacağını gözləyirik. Bu, hökumətimizin mehriban qonşuluq və dostluq münasibətlərinin inkişafı siyasətinin bir hissəsidir", - Toptaş vurğulayıb.
Mer hesab edir ki, Ermənistan-Türkiyə sərhədinin açılması hər iki ölkəyə iqtisadi fayda gətirəcək.
O qeyd edib ki, iki ölkə arasında kənd təsərrüfatı və sənaye sahəsində əməkdaşlıq üçün də geniş imkanlar açılır.
