AZ
RU
Daha iki məmur vəzifəsini itirə bilər
Nazim İbrahimovla Qərib Məmmədov yola salınır
"xeberinfo.com": Hakimiyyət daxilində yeniliklər gözlənilir. Məlumata görə, nəzərdə tutulan yeniliklər çərçivəsində bir sıra struktur islahatlarının həyata keçirilməsi planlaşdırılır.
Bir neçə gün öncə bununla bağlı mediada da məlumatlar yayılıb. Belə ki, Nazirlər Kabinetindəki bilgili qaynağın verdiyi xəbərə görə, islahatların hədəfində bir neçə dövlət qurumu var: "Artıq bir sıra yeniliklərin qərarı verilib. Sadəcə bu prosesin start düyməsinin basılması zamanı dəqiq deyil. Amma ortada niyyət və tədarük var".
Bildirilir ki, uzun müddət adı mətbuatda müxtəlif qalmaqallarda hallandırılan Diasporalarla iş üzrə Dövlət Komitəsinin sədri Nazim İbrahimov da vəzifəsini itirəcək: "Nazim İbrahimov görəvindən alınacaq, amma Dövlət Torpaq və Xəritəçəkmə Komitəsi isə ləğv edilərək, Kənd Təsərrüfatı Nazirliyinə birləşdiriləcək".
