AZ
RU
“Azadlıq” “Qasid”in qarşısında yenə aksiya keçirəcək
"xeberinfo.com": Məlum olduğu kimi “Qasid” firması “Azadlıq” qəzetinə uzun müddətdir böyük məbləğdə borcu var. Bu vaxta qədər göstərilən səylər heç də müsbət nəticə verməyib. Firmanın rəhbərliyi ilə çoxsaylı danışıqlara baxmayaraq problem həll olunmamış qalır. “Qasid” firmasının ofisi qarşısında etiraz aksiyalarının keçirilməsi ciddi müsbət dəyişikliklə nəticələnməyib. Dəfələrlə firma rəhbərliyi məbləği artıq 70 min manata çatan borcun ödənilməsiylə bağlı vədlər versə də problem həll olunmamış qalır. Məhz “Qasid”in borcunun ödəməməsi nəticəsində qəzetin redaksiyası ağır maliyyə vəziyyətinə düşüb. Bütün bunları nəzərə alaraq “Azadlıq” qəzetinin kollektivi aprelin 18-də saat 12:00-da “Qasid” firmasının qarşısında növbəti etiraz aksiyasını keçirəcək.
Xəbər Xidməti
