AZ
RU
Ermənistanda meşə təsərrüfatında korrupsiyaya görə - 18 nəfərə cinayət işi açılıb
Ermənistanın meşə təsərrüfatında böyük məbləğdə korrupsiya sxemi aşkarlanıb, 18 nəfərə qarşı cinayət işi başlanılıb.
Yenixeber.org: Məlumatı Ermənistan İstintaq Komitəsinin Mətbuat xidməti yayıb.
Bildirilib ki, onların bir qismi ağacların kəsilməsində, bəziləri vəzifə səlahiyyətindən sui-istifadədə, bir hissəsi rüşvət almaqda və rüşvətin verilməsində vasitəçilik etməkdə ittiham olunur.
Cinayət nəticəsində dövlətə 101 milyon 438 min 250 dram (212 940 dollar) məbləğində ziyan dəyib. Məbləğin 4 milyon dramının (8 400 dolları) dövlət büdcəsinə qaytarılması təmin olunub.
