AZ
RU
Rusiya aviaşirkəti Sankt-Peterburqdan - Bakıya reyslər həyata keçirəcək
Rusiyanın "Smartavia" aviaşirkəti (əvvəlki adı "Nordavia") Sankt-Peterburq-Bakı və əks marşrutla Azərbaycan istiqamətində yeni reyslərə start verir. Uçuşlar 25 iyul - 26 oktyabr aralığında yay naviqasiyası çərçivəsində planlaşdırılıb.
Yenixeber.org: Bu barədə aviaşirkətin rəsmi saytında açıqlama verilib.
Pulkovo hava limanından Bakıya uçuşlar həftədə iki dəfə - cümə axşamı və şənbə günləri, ekonom sinif salonlu "Boeing737-700" təyyarələrində yerinə yetiriləcək.
Səyahət müddəti 3 saat 35 dəqiqə təşkil edir. Uçuş zamanı sərnişinlərə isti yemək, sərinləşdirici içkilər, çay və qəhvə təklif ediləcək.
Sankt-Peterburqdan Bakıya ilk reys bu gün yerli vaxtla 16:25-də, Bakıdan Sankt-Peterburqa isə 21:45-də yerinə yetiriləcək. Biletlərin qiyməti 8830 rubldan (Azərbaycan Mərkəzi Bankının bu günə olan məzənnəsi ilə 237,5 manatdan) başlayır.
