AZ
RU
İran məktəblərində Azərbaycan dili tədris ediləcək
İranın Şərqi Azərbaycan əyalətindəki məktəblərdə sentyabrdan Azərbaycan dilinin tədrisinə başlanacaq.
Yenixeber.org: "Amerikanın Səsi"nin Azərbaycan Xidmətinin verdiyi məlumata görə, bu barədə Şərqi Azərbaycan Təhsil İdarəsinin müdiri Cəfər Paşayi bildirib.
Onun sözlərinə görə, Azərbaycan-türk dili üzrə dərslər həftədə iki dəfə - tədris ili ərzində ümumilikdə 60 saat veriləcək. Türk dilinin tədrisi təhsil naziri Məhəmməd Bohtainin sərəncamına əsasən tətbiq edilir.
Sənədə əsasən, ana dili ibtidai məktəbin 4-cü sinfində və orta məktəbin 9-cu sinfində tədris ediləcək.
Təlimin məzmunu və saatları hər vilayətdəki məktəblər tərəfindən müəyyən ediləcək.
Ana dilində təhsil İran prezidenti Həsən Ruhaninin seçki şüarlarından biri idi.
İranda azərbaycanlıların sayı müxtəlif məlumatlara görə 30-40 mln. nəfərdir. Amma, buna baxmayaraq, onların milli-mədəni hüquqları məhdudlaşdırılıb.
