AZ
RU
Braziliyada koronavirus xəstələrinin sayı 955 min 377 nəfər təşkil edir.
Yenixeber.org: RİA "Novosti" xəbər verir ki, bu barədə Səhiyyə Nazirliyi bildirib.
Qeyd edilir ki, ölkədə təhlükəli virusa 32 min 188 yeni yoluxma aşkar edilib.
Virusa yoluxmuş 463 min 474 nəfər sağalıb. Hazırda daha 445 min 393 pasiyent həkim müşahidəsi altındadır.
Son məlumatlara görə, Braziliyada COVID-19-dan 46 min 510 insan ölüb. Ölkədə ölüm faizi 4,9% təşkil edir. Səhiyyə Nazirliyi son sutkada daha 1 269 ölüm qeydə alıb.
Qeyd edək ki, Braziliya dünyada koronavirusa yoluxanların sayına görə ABŞ-dan sonra ikinci yerdədir.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 213 ölkə və bölgədə qeydə alınıb.
Ümumdünya Səhiyyə Təşkilatı fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.
