Beynəlxalq Qırmızı Xaç Komitəsinin hazırda Qarabağdakı işinin əsas istiqaməti həlak olan əsgərlərin cəsədlərinin axtarılmasıdır. 
Yenixeber.org: Bunu BQXK -nın regional nümayəndə heyətinin rəhbəri İxtiyar Aslanov deyib. 
Aslanov BQXK-nın humanitar məsələlərdə Qarabağdakı rus sülhməramlıları ilə sıx əməkdaşlıq etdiyini də sözlərinə əlavə edib.
"Rusiya sülhməramlı qüvvələrinin bölgəyə gəlişindən bəri onlarla birgə işləyirik. Həmkarlığımız çox yaxındır. Əməkdaşlarımız sülhməramlı qüvvələrin komandanlığı ilə, əsgər və zabitlərlə görüşürlər", - deyə o bildirib. 
Aslanovun sözlərinə görə, hazırda işin əsas istiqaməti həlak olan əsgərlərin cəsədlərinin axtarılması və ailələrinə təhvil verilməsidir. 
Bundan əlavə komitə rəsmisi rus hərbçiləri ilə əməkdaşlığın inkişafında maraqlı olduqlarını da dilə gətirib: 
"Mövcud vəziyyətə əsaslanaraq digər humanitar məsələlər də müzakirə olunur. Eskalasiya zamanı dağılan infrastrukturun, fərdi evlərin və digər xidmətlərin inkişafı əsas prioritetlərimizdəndir. Hətta deyərdim ki, Rusiya sülhməramlı qüvvələri ilə yaxın təmasdayıq”.(TASS)