AZ
RU
“Facebook”un qurucusuna cinayət işi açılıb – Millətlərarası ədavətin qızışdırılmasında ittiham edilir
Almaniya hakimiyyəti “Facebook” sosial şəbəkəsinin qurucusu Mark Zukerberqə, həmçinin bu şirkətin top-menecerlərinə qarşı millətlərarası ədavətin qızışdırılması ittihamı üzrə cinayət işi açıb.
Xeberinfo.com: “Gazeta.ru”ya istinadən xəbərə görə, Almaniyanın “Spiegel Online” nəşrinin yazdığına görə, Zukerberqdən savayı, siyahıda “Facebook”un icraçı direktoru Şeril Sebdberqin, Avropada şirkətin maraqlarını təmsil edən Riçard Allenin və onun Berlindəki həmkarı Yeva-Mariya Kirşziperin də adları var.
Cinayət işinin açılmasına səbəb Vürtsburq şəhərində yaşayan vəkilin şirkətə qarşı iddiası olub. Vəkilin bildirdiyinə görə, sosial şəbəkə istifadəçilərinin qətlə, zorakılığa, holokostun inkarına və digər hüquq pozuntularına çağırışlarına rəğmən, şirkətin rəhbərliyi buna qarşı heç bir tədbir görmür.
