AZ
RU
Azərbaycandan Türkiyəyə 20 milyard dollarlıq investisiya
Bu barədə sözləri Azərbaycanın Türkiyədəki səfiri Faiq Bağırov deyib
"Növbəti 8 il ərzində Azərbaycan Türkiyəyə təxminən 20 milyard dollarlıq investisiya yatıracaq".
"Xeberinfo.com": Məlumata görə, bu barədə sözləri Azərbaycanın Türkiyədəki səfiri Faiq Bağırov deyib.
O bildirib ki, iqtisadi sahədə Türkiyə Azərbaycan üçün çox əhəmiyyətlidir: "Türkiyə ilə Azərbaycan arasınada hələlik 3,3 milyard dollarlıq ticarət dövriyyəsi mövcuddur. Ticari əlaqələrin qarşılıqlı olaraq 15 milyard dollara çatdırılması lazımdır".
F. Bağırov qeyd edib ki, Azərbaycanın Türkiyədə qoyacağı investisiyaların böyük qismi İzmir bölgəsində olacaq. İki ölkə arasında enerji sektorundakı sərmayələrin lokomotiv olduğunu bildirən səfir sözlərini belə davam etdirib:
"Bu investisiyaları qeyri-neft sektoru ilə daha da artırmalıyıq. Kənd təsərrüfatı, kimya, emal, turizm, alternativ enerji, nəqliyyat, logistika, informasiya texnologiyaları kimi sahələrdə qarşılıqlı əlqələr hər iki ölkənin iqtisadiyyatını təkmilləşdirəcək".
