Azərbaycan Respublikası Prezidenti yanında Gənclər Fondunun maliyyə dəstəyi ilə “Atəşgah” İntellektual Oyunlar Klubu Azərbaycan Respublikasının Bayraq gününə həsr edilmiş beynəlxalq intellektual festival keçirəcək

Yenixeber.org: Festival Azərbaycan İntellektual Oyunlar Federasiyasının və Avropanın İntellektual Klublar Birliyinin rəhbərliyi  2017-ci ilin  noyabrın 11-12-də Çexiyanın paytaxtı Praqada təşkil olunacaq.

Festival çərçivəsində “Nə? Harada? Nə zaman?” və “Breyn Rinq” oyunları, həmçinin “QuAZ” intellektual-əyləncə oyunu üzrə turnirlər keçiriləcək. 

Festivalın təşkilat komitəsinin sədri İlkin Yetirmişlinin sözlərinə görə, tədbirlərin keçirilməsinin əsas məqsədi ağıl oyunları vasitəsilə xarici intellektualları Azərbaycan xalqının mədəni və tarixi irsi ilə tanış etməkdir. 

Redaktor qrupuna: Aleksandr Kudryavtsev (Nikolayev), Aleksandr Korobeynikov (Saratov), Maksim Merzlyakov (Voronej), Serafim Şibanov, Yevgeni Kalyukov (Moskva) və Dmitri Başuk (Xarkov) daxildir. 

“Azərbaycan bayrağı - 2017” – Azərbaycana həsr olunmuş sayca altıncı beynəlxalq intellektual festivaldır. Daha öncə festival Riqa, Sankt-Peterburq, Minsk, Vilnüs, Kalininqrad və Kiyevdə keçirilib.