AZ
RU
Azərbaycan XİN Cənubi Koreya və KXDR liderlərinin görüşünü alqışlayıb
"Koreya Respublikası ilə Koreya Xalq Demokratik Respublikası arasında yüksək səviyyəli görüşü alqışlayırıq"
Yenixeber.org: Bunu Azərbaycanın Xarici İşlər Nazirliyinin mətbuat xidmətinin rəhbəri Hikmət Hacıyev deyib.
"Məsləhətləşmələrin Koreya yarımadasında sülhün, təhlükəsizliyin və sabitliyin möhkəmlənməsinə töhfə verəcəyinə ümid edirik", - H.Hacıyev bildirib.
Qeyd edək ki, Cənubi Koreya və KXDR liderləri Mun Çje İn və Kim Çen In bu gün sərhəddə yerləşən Phanmuncom kəndində görüşüblər. Görüşün yekununda tərəflər bir-birinə qarşı istənilən düşmənçilik addımlarına son qoyduqlarını təsdiqlədikləri bəyannaməni imzalayıblar. İki ölkə lideri həmçinin Koreya yarımadasının nüvə silahlarından tam təmizlənməsi və bütün sahələrdə dialoqun bərpa edilməsi üzrə razılıq əldə ediblər.
