AZ
RU
Bütün cəbhəboyu istiqamətlərdə Ordumuza məğlub olan Ermənistan, bu məğlubiyyətlə razılaşmayıb ötən gün gecə saatlarında Gəncə şəhərində yerləşən yaşayış binalarını raket atəşinə tutub. Hadisə nəticəsində 9 nəfər həlak olub, 34 nəfər yaralanıb.
Yenixeber.org: “CNN Türk” Gəncədə evi tamamilə yararsız hala düşən ailədən videoreportaj hazırlayıb. 5 yaşlı övladı yaralanan ana çox qorxduğunu və hal-hazırda özündə olmadığını bildirib: “Yatırdıq, birdən partlayış oldu, hər şey başımıza uçdu. Uşağım yaralı idi. Tez xəstəxanaya apardıq. Xəstəxanaya qədər uşağın qanını sinəmdə kəsmişəm. Çox pisəm. Evimiz yararsız haldadır. Bundan sonra nə edəcəyimizi bilmirəm”.
