AZ
RU
Vətəndaş Həmrəyliyi Partiyasının qurultayı keçiriləcək
Vətəndaş Həmrəyliyi Partiyasının ali tədbiri onlayn qaydada təşkil olunacaq
Yenixeber.org: Fevralın 14-də Vətəndaş Həmrəyliyi Partiyasının növbəti Qurultayı keçiriləcək. Bu barədə partiyadan bildirilib.
Qeyd edilib ki, ölkədəki pandemiya şərtlərinə uyğun olaraq VHP-nin VIII Qurultayı Onlayn qaydada təşkil ediləcək.
Artıq Qurultaya Hazırlıq üzrə Təşkilat Komitəsi tərəfindən tədbirə qurumun 76 bölgə təşkilatı və Naxçıvan Muxtar Respublikası təşkilatından 400 nümayəndə seçilib.
VHP VIII qurultayında VHP-nin qurultaylararası dövrdə fəaliyyəti, ölkədəki ictimai siyasi durumun müzakirə ediləcək və nizamnaməyə uyğun olaraq təşkilati məsələlərə baxılacaq.
Qeyd edək ki, VHP-nin sədri Xalq şairi, millət vəkili Sabir Rüstəmxanlıdır.
