AZ
RU
Samuxda belinə bıçaq taxıb küçədə gəzən şəxs həbs edildi
Samux rayonunda ictimai asayişi pozan şəxs həbs edilib.
Yenixeber.org-un məlumatına görə, hadisə rayonun Kolayır kəndində baş verib.
Belə ki, polis əməkdaşları şalvarının bel kəmərinə bıçaq taxaraq kənddəki “Əli” marketin qarşısında hərəkət edən şəxsi saxlayıblar. Onun Qarayeri kənd sakini 1977-ci il təvəllüdlü S.Məmmədov olması müəyyən edilib.
Saxlanılarkən müqavimət göstərən, eləcə də kənd ərazisində xuliqanlıq əməlləri törədən şəxs barəsində inzibati protokol tərtib edilib.
Samux Rayon Məhkəməsinin qərarı ilə S.Məmmədov 8 sutkalıq həbs edilib.
