AZ
RU
Qırğızıstanda seçkilərin ilkin nəticələri açıqlandı-6 partiya parlamentə düşə bilib
Qırğızıstanda bu gün keçirilən parlament seçkilərinin ilkin nəticələri açıqlanıb.
Yenixeber.org: Ölkənin Mərkəzi Seçki Komissiyası artıq bülletenlərin 90%-nin sayıldığını bildirib.
Yerli vaxtla saat 20:00-da 2 435 seçki məntəqəsinin hamısı bağlanıb.
Məlumata görə, seçkilərdə iştirak edən 6 partiya parlamentə düşə bilib. Bunlar "Ata-Yurd Qırğızıstan" (16,85%), "İşenim" (13,52%), "Intımak" (10,87%), "Alyans" (8,24%), "Bütün Qırğızıstan (6,76%), "Iyman nuru" (6,02%) partiyalarıdır.
Ölkənin yeni qanunvericiliyə əsasən, seçkilərdə iştirak həddi yoxdur. Seçkilər səsvermədə iştirak edənlərin sayından asılı olmayaraq istənilən halda baş tutmuş sayılır.
Qırğızıstanın yeni parlamenti 90 deputatdan ibarət olacaq. Parlamentin deputatları beş il müddətinə seçilir.
