AZ
RU
Müdafiə şirkətləri ABŞ-dan imtina edir -SƏBƏB
Avropa müdafiə şirkətləri uzun illərdir ki, silah istehsalı üçün Amerika komponentlərinə arxalanırdılar. Lakin ABŞ-ın hazırkı Prezidenti Donald Trampın siyasəti onları Vaşinqtondan asılılığı azaltmağa vadar edir.
Yenixeber.org: Bu barədə “Tayms” nəşri yazıb.
“Raket sistemləri istehsalında aparıcı Avropa şirkətlərindən biri olan MBDA-nın rəhbəri Erik Beranje jurnalistlərə bildirib ki, əgər müştərilər tələb edərsə, şirkət Amerika komponentlərindən imtina edə bilər", - məqalədə bildirilib.
Nəşr xatırladır ki, MBDA xüsusilə uzaqmənzilli silahlar istehsal edir və bu silahlar Ukraynaya da tədarük olunur.
Məqalədə qeyd edilir ki, hazırda Avropa müdafiə şirkətləri ABŞ-ın etibarsız tərəfdaşa çevrildiyi qorxusu fonunda Amerika avadanlıqlarının alınmasından imtina edirlər:
"Bu gün bir çox Britaniya müdafiə şirkəti öz silahlarını ixrac etmək istədikdə, onların Amerika silah sənayesindən asılı olub-olmadığı sualı ilə qarşılaşırlar".
