AZ
RU
Tramp Hindistana qarşı əlavə rüsumu təsdiqlədi -AÇIQLAMA
ABŞ Prezidenti Donald Tramp Hindistandan idxal edilən mallara əlavə 25% rüsum tətbiq edən sərəncam imzalayıb.
Yenixeber.org: Bununla bağlı Ağ Ev məlumat yayıb.
Məlumatda bildirilir ki, buna səbəb Moskvaya sanksiya təzyiqlərinə baxmayaraq, Hindistanın Rusiya neftini almağa davam etməsidir.
Qərar “enerji təhlükəsizliyi prinsiplərinə əməl olunmasının təmin edilməsi” və “sanksiyalardan yayınmağa qarşı” ehtiyacla izah edilir.
Sənədə əsasən, ABŞ-nin Rusiyadan neft idxalına görə Hindistana tətbiq etdiyi tariflər, fərman imzalandıqdan 21 gün sonra gələn mallara şamil ediləcək.
Sənəddə vurğulanır ki, Hindistan Rusiyadan neftin əsas alıcısı olmaqda qalmaqla, Rusiyanın hərbi işğalçılıq siyasətini həyata keçirməsini maliyyələşdirməyə töhfə verir.(“RİA Novosti”)
